Espazo de información para as Familias
Recursos, tramitacións e ligazóns de interese para as nais, pais e titores.
Fondos de Libros de Texto
Aquí tes á túa disposición toda a documentación correspondente á convocatoria de fondo solidario de libros de texto e axudas para adquirir material escolar. Podes descargar os documentos informativos oficiais, as instrucións específicas do noso centro e os impresos necesarios para formalizar a solicitude.
Espazo Abalar
Abalar é a aplicación oficial de comunicación electrónica entre o centro e as familias do alumnado menor de idade. A través dela, poderán ver as cualificacións académicas, faltas de asistencia, incidencias e avisos; xustificar as faltas, pedir citas de titoría, etc. Así mesmo, o alumnado maior de idade terá acceso ás mesmas funcionalidades por si mesmo. Polo tanto, é fundamental que teñan instalada e configurada a aplicación, asociada aos correspondentes números de teléfono, segundo sexan menores de idade ou non. Se precisan axuda para a configuración, poden pasar pola secretaría do instituto.
